職業神

順風耳台灣的民間信仰誠濟,無仝的職業嘛會拜無仝的神,比論講討海人拜媽祖、搬戲的拜田都元帥、做生理的拜財神。

抑若一寡較新的行業,親像網路公司、賣手機仔的、賣翕相機的……,應該愛拜啥物神咧?

想來想去,千里眼誠適合來替相機代言,免驚仔翕袂明;賣手機仔的會當拜順風耳,保證電話訊號攏真清;抑若是網路公司,拜孫悟空可能袂䆀,上網的速度會衝真緊喔!

意見反應信箱:service@king-an.com.tw
Copyright © 2012 真平企業有限公司 版權所有.禁止擅自轉貼