驚蟄(新曆3月初5/初6)

簡介:掌管這个節氣的神是雷公,雷公會霆雷,共睏冬的蟲叫精神,所有佇寒人覕起來的蟲攏會出來活動。作穡人愛開始拍拚巡田水、掠害蟲。這陣嘛是杜鵑的花季。

俗語:驚蟄,鳥仔曝翼。寒人的時覕起來的鳥仔,佇這个時陣飛出來曝日。

人文活動:舊曆2月初2是土地公生,有「做頭牙」的風俗,開公司、做生理的頭家會準備豐沛的祭品來為土地公慶祝,嘛會請員工「食春酒」,希望員工會當繼續為公司拍拚。

當令食材:韭菜。桃園大溪的韭菜規年迵天攏有生產,毋過春天的韭菜上芳、上好食。

      煙仔魚(鰹魚)。逐年3~6月,佇花蓮沿海會當掠著真濟煙仔魚。

意見反應信箱:service@king-an.com.tw
Copyright © 2012 真平企業有限公司 版權所有.禁止擅自轉貼