【24節氣:小雪(siáu-suat)】

新曆11月21／22／23

簡介──

小雪神提旗仔共寒冷的霜雪擛來，有的國家會開始落雪，臺灣的天氣嘛真寒，毋過猶袂落雪，恆春會出現落山風。

俗語──

月內若霆雷，豬牛飼袂肥。小雪若聽著霆雷公，代表風不調、雨不順，豬牛會發生災厄。

人文活動──

謝平安。舊曆10月以後，臺灣各地的廟寺會舉辦「謝平安」的活動，感謝神明一冬來的保庇。

當令食材──

烏魚。「小雪小到，大雪大到，冬節過十工，烏魚就無矣。」烏魚佇小雪前後來到臺灣海峽。烏魚予討海人叫做「烏金」，烏魚卵曝焦就是好食的烏魚子。