大觀園:先賢經典 

三字經 

黃勁連

周武王

始誅紂

八百載

最長久

周轍東

王綱墜

逞干戈

尚游說    ...

«繼續閱讀»

大觀園:先賢經典 

三字經 

黃勁連

夏傳子

家天下

四百載

遷夏社

湯伐夏

國號商

六百載

至紂亡

 

台譯:

唯夏禹傳帝位予伊兮後生,天下著毋是公家兮,變做私人一家兮財產。夏朝傳國四百外冬,然後伊兮社稷予儂移走去,夏朝著滅亡矣。商湯攻打夏桀,滅夏了後,國號商。經過六百外冬,到紂王兮時來滅亡。

 

宗旨:

以上八句,簡要介紹夏、商兩代興亡盛衰兮經過。

三字經--台語本

大觀園:先賢經典 

三字經 

黃勁連

夏有禹

商有湯

周文武

稱三王

 

台譯:

夏朝兮禹王,商朝兮湯王,周朝兮文王、武王,歷史上共伊叫做三王。

 

宗旨:

以上四句,介紹夏、商、周三代兮聖王。

三字經--台語本

大觀園:先賢經典 

春江花月夜    張若虛

春江潮水連海平,海上明月共潮生。
灩灩隨波千萬里,何處春江無月明。
江流宛轉遶芳甸,月照花林皆似霰。
空裡流霜不覺飛,汀上白沙看不見。
江天一色無纖塵,皎皎空中孤月輪。
江畔何人初見月,江月何年初照人。
人生代代無窮已,江月年年祇相似。
不知江月待何人,但見長江送流水。
白雲一片去悠悠,青楓浦上不勝愁。
誰家今夜扁舟子,何處相思明月樓。
可憐樓上月徘徊,應照離人妝鏡台。
玉戶簾中捲不去,擣衣砧上拂還來。
此時相望不相聞,願逐月華流照君。
鴻雁長飛光不度,魚龍潛躍水成文。
昨夜閒潭夢落花,可憐春半不還家。
江水流春去欲盡,江潭落月復西斜。
斜月沉沉藏海霧,碣石瀟湘無限路。
不知乘月幾人歸,落月搖情滿江樹。

 

影片欣賞

來源:youtube

大觀園:詩歌精選:現代詩 

辜負--<<食老才知ê代誌>>之三十二

李勤岸

知影家己

已經毋是普通ê身軀

心臟鬥4支拐仔

雖然in無予我殘障手冊

我mā知影坐捷運

會使去坐茄仔色ê位

雖然咱用現代醫學技術

強強kā上帝討轉來

一條命

我mā了解deadman walking

跤步ài按怎hua̍h

以前攏是大大步

peh樓梯

tsit-mà,予電扶梯

扶這身身軀去頂懸

以前有閒無閒攏去踅冊店

大本細本mooh轉來囤

想講早慢會讀著

tsit-mà家己真清楚

早慢已經來到

冊房會變作冷宮

我會是一个

辜負ê多情人

以前ê雄心壯志,已經成做

冷冷暖暖ê恩怨

講beh kā 這个世界做一屑仔

改變

竟是狂風一吹

就散去ê彩雲片片

世界ah,請赦免我ê辜負

親像我mā會赦免

辜負我ê這个世間

----2010.9.6 小碧潭



海翁台語文學月刊第106期

台語演講影片:關懷文教 

2011年關懷台語演講比賽─總決賽比賽花絮及各組優勝名單

連續17年,為關懷鄉土、推展在地文化,特舉辦「2011年關懷台語演講比賽」活動,期盼透過演講活動,協助本土語言教學,呈現台語美學,讓語言生活化,達成共鳴,使本土語言向下紮根,推向世界觀,成為國際語言。

 

 

各項花絮

關懷文教基金會

大觀園:先賢經典 

落雨天留客

黃勁連

以前有一位厚面皮兮秀才出外cit4 tho5,真無拄好,去拄着梅雨季節;古早儂講「梅雨時節家家雨」,真正不錯,雨一直落袂停,伊只好滯踮朋友兮厝,一滯規個月。

古早儂亦講「久住難為人」,伊兮朋友漸漸接棧袂稠,想欲將即位秀才趕走,但是歹勢講袂出喙,無奈何最後伊寫了「落雨天留客天留我不留」兮紙條,囥踮桌仔頂欲予即位秀才看。伊兮意思是「落雨天留客,天留但是我毋留!」

幾工了後,伊想即位秀才已經轉去矣;想袂到伊毋但無轉去,連字條閣囥踮原來兮所在,真正欲予伊氣死!

原來字條仔已經經過標點變成:「落雨天,留客天,留我不?留!」秀才因為加上句讀,意思完全走精去矣。

即个所在,咱會當了解句讀兮重要。

三字經--台語本

大觀園:先賢經典 

三字經 

黃勁連

凡訓蒙
須講究
詳訓詁
明句讀
為學者
必有初
小學終
至四書

 

台譯:

通常教囡仔,需要講究方法、要領。唯訓詁開始,文句一字仔一字解說,句讀愛分清清楚(長句兮叫句,短句兮叫讀)。讀冊,做學問,照紀綱,按部就班一步一步仔來;文字學讀了,着開始讀四書。

 

宗旨:

以上八句,教儂讀冊,求學兮進度、過程。

 

三字經--台語本

大觀園:先賢經典 

三請孔明

 黃勁連

漢朝尾仔,黃巾賊起來作亂,天下動盪不安;最後形成曹操、劉備、孫權三雄稱霸兮局面,歷史上共伊叫做「三國鼎立」。

劉備是漢朝宗室兮後代,一个心肝干焦想欲統一天下重振漢室兮聲威。伊聽講湖北隆中兮臥龍崗有一位蓋世奇才,名叫諸葛亮;伊毋但學問淵博,閣真有才調,若會當得着伊兮扶助,欲稱霸天下,應當是無困難。

按呢,劉備著thua5伊兮結拜兄弟關公佮張飛親身欲來拜訪諸葛亮,結果無拄好,諸葛亮拄拄仔出門去,劉備in三儂失望轉去。

過了無幾工,劉備閣派儂去探聽,知影諸葛亮已經轉來矣,伊趕緊閣帶關公、張飛,冒著寒風大雪,欲閣來拜訪諸葛亮兮草茅。啥知影伊出外雲遊去矣,劉備遺憾之餘,留一張批,說明來意,而且表達伊對諸葛亮兮仰慕佮敬佩。

一段時間了後,劉備表達伊兮誠意,佮選一个黃道吉日,食菜、焚香沐浴三工,準備欲閣去拜訪諸葛亮。關公佮張飛無歡喜,張飛講:「大兄汝何必對伊遐客氣咧,規去我去揣伊,伊若狡怪,我着用索仔共伊縛來!」

劉備聽了後,罵土張飛袂使無禮;然後三個儂閣行來到臥龍崗。即回,皇天不負苦心人,諸葛亮拄佇厝裡,但是咧睏中晝。外口咧落雪,天氣烏寒,劉備忍耐寒冷兮天氣,徛踮邊仔耐心等候,一直到諸葛亮醒起來,伊則請教安邦定國兮大計,而且誠懇邀請諸葛亮下山幫助。

諸葛亮本來想欲隱居檨仔林,不插世事;但是伊後來予劉備「三顧茅廬」兮誠意感動,便答應助劉備一臂之力,出來扶伊建立蜀漢兮王朝。

 

三字經--台語本

大觀園:先賢經典 

兄友弟恭

黃勁連

漢朝兮時,有一對相依為命,感情誠好兮兄弟仔,阿兄叫趙孝,小弟叫趙禮。有一日,庄跤雄雄來一群青面獠牙兮強盜;因為揣無食兮物件,掠in兄弟仔拄數,想欲將in軟肥軟肥兮小弟刣掉,煮來食。

趙孝目箍紅,跪落塗跤共強盜叩頭、哀求:「小弟兮肉鹹鹹,無好食,猶是食我兮!」

強盜看著即款感動儂兮場面,兄哥為着小弟甘願來犧牲,強盜嘛是有人性,最後強盜毋但無刣in小弟,連趙孝亦做伙放。

即款友愛兮精神,實在足偉大兮。

三字經--台語本

頁數:  53 54 55 56 57 58 59 60 61 62
意見反應信箱:service@king-an.com.tw
Copyright © 2012 真平企業有限公司 版權所有.禁止擅自轉貼