大觀園:先賢經典 

三字經

黃勁連

父子恩
夫婦從
兄則友
弟則恭
長幼序
友與朋
君則敬
臣則忠
此十義
人所同

台譯:

父仔囝互相恩愛,翁仔某夫唱婦隨,做兄哥兮疼小弟,小弟敬重兄哥,有大有細,長幼有序,參儂鬥陣合群做朋友,頂司敬重下司,下司對頂司盡忠。即十種「義理」,是逐个儂攏愛共同遵守兮。

 

宗旨:

以上十句,舉父子、夫婦、兄弟、朋友、君臣十種儂佮儂相處鬥陣兮道理,教繷「十」兮數字觀念。

三字經--台語本

大觀園:先賢經典 

愚公移山

黃勁連

古早古早有一個儂戇戇,儂攏叫伊愚公。伊兮厝,門前有太行、王屋兩粒山擋稠咧,愚公一家伙仔若欲出外,着愛踅來踅去,行誠遠兮路,交通非常無方便。

有一工,愚公共厝內兮儂講:「即兩粒山,一定愛共伊徙走!」

按呢,一家伙全部總動員,開始挖塗搬塗,將山移掉。有儂走來共愚公講:「汝遮老矣,年紀遮大,即世儂我看是無望,無法度江山搬掉!」

愚公講:「汝真笨咧,山亦袂變較懸較大;我每一工一筐仔一筐仔搬,緊慢會共伊搬徙位。檢採有一工我死去,猶有我兮囡仔,我兮孫仔,我兮囝囝孫孫,in無停咧挖,無停咧搬;幾代以後,太行、王屋兩座山,敢袂移成平地啊!」

三字經--台語本

大觀園:先賢經典 

三字經

黃勁連

高曾祖

父而身

身而子

子而孫

自子孫

至玄曾

乃九族

人之倫

 

台譯:

儂兮世代,唯本儂算,頂面兮四代,上蓋序大兮是太祖,紲落來是阿祖(老祖),閣來阿公、老父,紲落去本儂,本儂閣落去是孫,由後生、孫,到橄欖孫、玄孫,叫做「九族」。這是咱儂兮九勻兮「輩分」。

 

宗旨:

以上八句,舉本儂上、下四代兮直系血親兮輩分,順紲教儂「九」兮數字觀念。

三字經--台語本

大觀園:先賢經典 

伯牙摔琴

黃勁連

春秋時代有一位音樂家叫俞伯牙,彈一手好琴;可惜揣無一位捌音樂兮知音,來共伊欣賞。

有一工,伯牙當咧彈琴,鍾子期無意中行過in兜,去予伊聽著,伊呵咾伯牙兮琴聲:「有時那像懸懸兮山,有時閣那像流水咧流來流去。」伯牙聽了誠歡喜,兩个儂終仔舉香祭告天地,結拜作異姓兮兄弟;而且約定一年後,欲來鍾家村拜訪子期。

約定欲參見兮日子到矣,伯牙照約束前往,但是非常可惜,子期早着過身矣。伯牙非常艱苦,當場將伊兮琴摔破。從此以後,伯牙永遠不再彈琴,表示內心永遠兮遺憾。

三字經--台語本

大觀園:先賢經典 

三字經

黃勁連

匏土革

木石金

絲與竹

乃八音

曰平上

曰去入

此四聲

宜調協

 

台譯:笙、壎、鼓、桶、磬、鑼、參絃仔、品仔,這是古早八種重要兮樂器。

 

宗旨:

以上八句介紹八種樂器,同時教儂「八」兮數字觀念。

三字經--台語本

大觀園:先賢經典 

三字經

黃勁連

曰喜怒

曰哀懼

愛惡慾

七情具

青赤黃

及黑白

此五色

目所視

 

台譯:

咱所講兮歡喜、受氣、悲哀、驚惶、意愛、討厭、慾望,是儂儂所有兮七種感情。

 

宗旨:

以上四句,舉儂兮喜、怒、哀、懼、愛、惡、欲七種兮感情,教儂「七」兮數字概念。

三字經--台語本

大觀園:先賢經典 

義犬救主

黃勁連

恁敢知影咱兮老祖先飼兮狗,本來是家畜,是欲刣來食兮;養兮鵝是欲予伊來看厝、顧厝兮。

早前,有一个拍獵兮來山內拍獵,一時兮大意,被一群兇惡兮野狼圍稠咧。即位拍獵兮,將身上兮箭攏射了矣,雖然射死誠濟隻野狼,但是猶有五、六隻毋肯走。

即位拍獵兮,足百起來樹仔頭,天漸漸烏,野狼開始偷襲伊,伊只好點火求救,一方面防止野狼兮接近。

關佇獵戶厝兮狗發現主人危險,佇空中求救;毋敢躊躇,即時衝破籠仔趕來山內救主人;最後即條勇敢兮狗仔將野狼咬死,救主人一命,但是伊家己亦蹺去!

從此以後,逐家予「義犬救主」兮故事感動着,不再刣狗啦!

三字經--台語本

大觀園:先賢經典 

五穀神

黃勁連

上古時代,咱兮老祖先干焦知影掠野獸來生食,挽水果來止飢。

迄時,有一位誠聰明兮農業家叫神農氏;伊共野生草仔類兮植物,提來試食,而且教老百姓種作五穀。

哪種植物是有毒兮,哪種植物是無毒兮,神農氏攏一一各別共伊記落來,然後閣再分啥物是會使煉藥兮,啥物是會使做蔬菜來食兮……,後來咱儂會食得兮物件着愈來愈濟矣。

神農氏最後無張持,去食着毒草,不幸來過身。一直到今仔日,作穡儂攏尊稱伊是「五穀神」,中醫嘛禮敬神農氏,共伊叫「祖師爺」。

三字經--台語本

大觀園:先賢經典 

三字經 

黃勁連

稻梁菽

麥黍稷

此六穀

人所食

馬牛羊

雞犬豕

此六畜

人所飼

 

台譯:

稻仔、高粱、豆仔、麥仔、黍仔、稷,即六種穀類,是咱儂主要兮糧食。馬仔、牛、羊仔、雞、狗、豬仔,即六種家畜,是咱儂飼兮。

 

宗旨:

以上八句舉六穀佮六畜,教儂「六」兮數目概念。

三字經--台語本

大觀園:先賢經典 

完璧歸趙

黃勁連

戰國時代,趙國得着一塊價值連城兮和氏璧。秦昭王知影了後,着想欲提即塊玉,所以派大使送批,表示願意用秦國十五座兮城池來換和氏璧。

趙王三心兩意,一直躊躇毋知欲按怎較好。因為秦是虎狼之國,兵強馬壯;若是無答應,驚伊派兵前來攻趙國;若是答應,閣驚秦王食西瓜斑半暝仔反症,吳守信用;最後無可奈何,趙王只好派智勇雙全兮藺相如帶和氏璧去見秦王。

秦王接過和氏璧一直呵咾,手摸寶玉,交換十五座城池兮代誌,一句話攏無講,藺相如毋是普通儂,隨智覺秦王無割城池兮誠意,伊行向前,共秦王講:「大王!我無共汝騙,即塊和氏璧雖然是世間罕有兮寶貝,但是有小可仔缺點,我指予汝看!」

相如將璧玉提轉來了後,伊大聲指責秦王食言而肥,無守信用;秦王見笑轉受氣,即時命令欲掠藺相如。即个時陣,藺相如將璧玉提懸懸,喙講:「大王毋通逼我,無,同歸於盡,我準備挵柱仔,將璧玉挵乎歹,死踮恁兮宮殿。」

藺相如最後靠兮勇敢佮變竅,不負使命保護和氏璧玉,這着是歷史上出名兮「完璧歸趙」。

三字經台語本

頁數:  54 55 56 57 58 59 60 61 62 63
意見反應信箱:service@king-an.com.tw
Copyright © 2012 真平企業有限公司 版權所有.禁止擅自轉貼