大觀園:先賢經典 

三字經

黃勁連

玉不琢
不成器
人不學
不知義
為人子
方少時
親師友
習禮儀

 

台譯:

玉仔無經過琢磨,着無法度變成有用兮物件,共款,儂若毋去讀冊,着無知做儂兮道理。做儂兮序細兮,着應該親近良師、益友,學習禮節,儀表。

 

宗旨:

以上八句,勉勵儂佇少年兮時,愛親近老師、朋友,學習禮儀佮做儂兮道理。

三字經--台語本

大觀園:先賢經典 

三字經

黃勁連

養不教
父之過
教不嚴
師之惰
子不學
非所宜
幼不學
老何為

 

台譯:

飼囝若是無共伊教示,是做老父兮兮過錯。老師教冊若是無嚴,着是老師貧惰,無盡老師兮責任。囝仔、序細若是無卜讀冊,彼着是in兮無着。少年袂曉想,食老着歹款樣!

 

宗旨:以上八句,提示做老父,佮做教師兮責任,以及做儂序細,學生對學業兮態度。

三字經--台語本

大觀園:先賢經典 

三字經

黃勁連

昔孟母
擇鄰處
子不學
斷機杼
竇燕山
有義方
教五子
名俱揚

 

台譯:

古早,孟子兮老母,為着卜揣一个好厝邊,捌搬過三百厝。後生放蕩,無卜讀冊,老母氣一下將織布機兮布匹剪斷,這着是有名兮「斷機教」,教示伊兮後生作學問,或做代誌,袂使半途而廢。古早,閣有一個滯佇燕山,叫做竇禹鈞兮儂,伊真𠢕教育子弟,伊兮五个後生,攏真出取,名聲透京城。

 

宗旨:

以上八句,用歷史上孟母三遷,斷機教佮竇燕山較五子兮的故事,具體說明後天教育的重要。

 

典故:

1.昔孟母,擇鄰處:根據《列女傳》兮記載:孟子in厝本來滯佇墓仔邊,孟子就爽「起墓」 拄好兮遊戲,孟母認定安爾環境毋好,着徙去市場邊,孟子着學生理儂做生理,孟母又閣認定毋好,閣徙去學校邊,從此孟子開始學讀冊矣。

2.子不學,斷機杼:《列女傳》又閣記載:孟子細漢兮時,唯學校轉來,孟母拄好咧無閒織布;問孟子:「汝兮功課學夠哪咧。」孟子回答:「參以前共款」孟母氣一下,舉鉸刀將織布機兮布匹剪斷講:「汝放蕩無卜拍拼讀冊,着哪像我鉸斷織布機兮部共款,半途而廢。」從此,孟子頓悟,發憤求學,最後成做一位大學者。

三字經--台語本

大觀園:先賢經典 

鐵枝磨做繡花針

黃勁連

李白是唐朝出名兮詩人,儂稱伊是「詩仙」。伊少年兮時,放蕩無愛讀冊,時逃學去 迌,無去學堂上課,in父母對伊無辦法,毋知卜安怎來共伊管教。

有一工,李白閣逃學,出去市仔爽,雄雄佇路邊看着一位老阿婆也手提一支鐵枝仔「沙、沙」咧磨。伊好玄走去阿婆仔頭前卜看一下詳細。

迄位阿婆也,無閒咧磨,李白足奇怪兮,開喙共阿婆問:

「阿婆也,汝磨鐵枝仔卜創啥物咧?」

「我卜共伊磨做繡花針!」阿婆頭越過來共李白說明。

李白聽了後,真好笑,講:

「遮爾粗兮鐵枝,汝卜共伊磨做繡花針,敢有可能?!汝是毋是咧講耍笑?!」

迄位阿婆誠正經,共伊講:

「汝毋通掠準我磨袂成;我今旦日磨,明旦再磨,後日磨,逐工磨。今年磨袂好,閣有明年,明年磨袂好勢,猶有後年。逐年磨,逐工磨,有一工一定有完成兮日子。」

李白聽了後,半信半疑;伊雖然佩服阿婆也兮毅力,但是心內猶是有一點仔懷疑。隔一段時間,伊刁工走去街仔看迄位阿婆,皇天不負苦心人,阿婆也真正將針磨好勢矣。伊對李白講:

「只要工夫深,鐵枝磨成針!」

李白深深感動,從此痛下決心,改過自新,拍拚讀冊,毋敢閣放蕩迌,伊兮學問突飛猛進,詩愈作愈好,最後詩名滿天下,贏得「詩仙」兮外號。

三字經--台語本

大觀園:先賢經典 

三字經

黃勁連

人之初

性本善

性相近

習相遠   

茍不教

性乃遷

教之道

貴以專

 

台譯:

咱儂兮起初,拄仔出世兮時,本性是善良兮;每一个儂兮个性攏誠接近,但是因為後天兮學習,則無肖仝,差遠去。儂兮本性既然是好兮,若是無共伊教,好兮本性則會變歹去。教育兮道理,上蓋重要兮是專心一志去學習。

 

宗旨:

以上八句,根據孔子、孟子、荀子性本善、性本惡兮教育主張,勸儂拍拚讀冊,專心學習,接受教育,做一个有路用兮儂。

 

典故:

1.人之初,性本善:即句話,是戰國時代孟子兮教育主張。

2.性相近,習相遠:孔子公對教育兮主張;伊無講性善、性惡,干焦講性相近,因為後天兮習染,則有善、惡兮無肖仝。

3.教之道、貴以專:荀子主張人性本惡,所以需要禮、樂去共伊教育;教育方法,愛注意專心一志兮學習。荀子兮《勸學篇》安爾講:「學惡乎始,惡乎終?曰其數,始乎誦經,終乎讀禮。」閣講:「蚓無爪牙之利,筋骨之強,上食埃土,下飲黃泉,用心一也。」

三字經--台語本

大觀園:先賢經典 

三字經--踏話頭

黃勁連

《三字經》即本冊聽講是七百外冬前南宋兮王應麟所寫兮,亦有儂講是宋朝尾仔兮區適子所作。咱現在所讀即个版本,並毋是王應麟兮原作;因為經過七百外冬,「幾度夕陽紅」,經過幾何擺兮改朝換代,歷代攏有儂共伊增補:遼金以下,是明朝、清朝兮儂增補兮。民國初年兮章太炎亦增修夠清朝尾仔;近代兮陳立夫共伊增修夠民國締造。所以《三字經》是幾何个儂手筆,集合逐家兮智慧所完成兮。

冊唯儂兮起初出世講起,主張人性本善,因為後天兮的環境則漸漸改變、變歹;所以後天兮教育是非常重要兮,冊紲落列舉一寡古早教囝成功兮例。冊講解倫理親情佮國學常識;接落去介紹兩仟外冬來改朝換代,歷史兮演變,唯遠夠近,唯古早夠現代,言簡意賅,互儂對歷史有一个簡單、明瞭、初淺兮概念。咱有遮經典史學兮基本了解,明事理通古今,以後讀其他兮經史典籍,着會當融會貫通矣。最後舉孔子公、趙中令、路溫舒、公孫弘、蘇秦、孫敬、孫康、車胤、宋買臣、李密、蘇老泉……,古早名人苦讀成功兮例,來勉勵初學兮儂,向前行,認真讀冊毋免驚,「勤有功、戲無益」、「戒之哉、宜勉力」,最後兮成功一定是咱兮。

台灣兮民間有一个誠好兮傳統,着是用古典、文雅兮台語唸古典兮漢文;親像《三字經》、《唐詩三百首》、《弟子規》、《四書》、《孝經》……,對台語兮教育有誠大兮幫贈。如今台灣儂已經覺醒矣,有決心卜推行母語教育,建立咱台灣儂兮主體性,鼓吹台灣儂兮文藝復興;咱希望會當回歸傳統,轉來故鄉兮田園,恢復咱兮傳統,用端的文雅兮台語讀古典兮漢文、漢詩。編者心肝底非常兮向望,即本《三字經》台語本兮出版,對咱兮母語教育有多少兮幫助。

 

三字經--台語本

大觀園:台語教學 

台羅音標教學(四)

子音(tsú-im)

雙脣塞音   【p】【ph】【b】

雙脣鼻音【m】

 

...

«繼續閱讀»

大觀園:台語教學 

台羅音標教學(三)

子音(tsú-im)


雙脣塞音   【p】【ph】【b】

...

«繼續閱讀»

大觀園:台語教學 

台羅音標教學(二)

子音(tsú-im)

雙脣塞音   【p】【ph】【b】

...

«繼續閱讀»

大觀園:台語教學 

狐獴大宅門

台語配音

收視頻道:動物星球頻道

收視時間:週六晚間8點首播,週一晚間6點重播

台語內容敘述: 

伊的名號做花花,猶不過伊無親像伊的名聽起來遮好惹……。花花是鬍鬚幫狐獴的老大,伊是不准有人共騙鬼。花花共家己的幼嬰仔看得上重要,伊毋驚因為按呢佮別人起衝突,而且伊絕對無欲相讓。 察佛德是公的老大,伊毋惜一切的代價攏欲保護著鬍鬚幫-尤其是面對敵人青幫的彼群狐獴。莎士比亞是一个英雄好漢,伊予蛇去咬著嘛閣意志堅強欲活落去,閣綴死亡的界線來解救家己的兄弟。除了按呢,青幫的卡洛斯-伊是一个標準的花花公子-仝一个時間咧逐鬍鬚幫的三大美女,結果惹禍上身。狐獴大宅門的劇情非常精采, 觀眾將綴著劇情的發展沓沓仔熟似遮的精采人物佮節目中其他的角色。 
動物星球頻道佮劍橋大學合作,為觀眾表演出完全毋捌看過的狐獴故事–這擺完全是對狐獴的角度來講故事。

華語內容敘述:

牠的名字叫花花,但牠可沒名字聽起來那麼好惹……。花花是鬍鬚幫狐獴的大家長,牠可不准有人呼嚨牠。花花把自己的新生兒看得最重要,牠不怕因此和別人發生衝突,而且牠決不退讓。察佛德是雄性大家長,牠不惜一切代價守護著鬍鬚幫–尤其是對抗敵人青幫的那群狐獴。莎士比亞是名英雄好漢,牠遭致命蛇吻依然奮勇求生,並且從死亡邊緣救回自己的兄弟。此外,來自青幫的卡洛斯–牠是標準的花花公子–同時追求鬍鬚幫的三大美女,結果惹禍上身。狐獴大宅門的劇情高潮迭起, 觀眾將隨著劇情發展逐步認識前述精采人物以及節目中其他要角。
動物星球頻道與劍橋大學合作,為觀眾呈現前所未見的狐獴物語–這次完全是由狐獴的角度來說故事。

 

影片介紹

動物星球頻道

頁數:  56 57 58 59 60 61 62 63 64 65
意見反應信箱:service@king-an.com.tw
Copyright © 2012 真平企業有限公司 版權所有.禁止擅自轉貼